१६३ हत्ती मात्र हत्ती सारखाच

 १६३   हत्ती मात्र हत्ती सारखाच

गावामध्ये हत्ती आला. सगळेजण हत्ती पाहायला जाऊ लागले. त्यानी केलेल्या वर्णनामुळे गावातले वातावरण हत्तीमय होऊन गेले.

त्या गावात ६ दृष्टिहीन (आंधळे) रहात होते. त्यांनाही हत्ती पाहायला जायची इच्छा झाली.  त्यांनी मार्गदर्शक ठरविला. 

मार्गदर्शक वाटाड्याने त्यांना हत्तीकडे नेले आणि हत्ती सभोवती रिंगण करून गोलाकार उभे केले. त्यांना हत्तीला हात लावून स्पर्शाने हत्ती बघायला सांगितले. त्यांनी चाचपडत स्पर्श करीत, हत्ती बघायचा आनंद लुटायला सुरुवात केली. 

घरी परत आल्यावर ते आपापसात बोलू लागले.

 पहिला म्हणाला, " हत्ती खांबासारखा आहे. "

 शेपटीला हात लावलेला दुसरा म्हणाला,  " हत्ती केरसुणी सारखा आहे. "  

पोटाला हात लावत तिसरा उद्गारला, "तुम्ही चुकता आहात.  हत्ती आकाशासारखा विशाल आहे." 

चौथा म्हणाला, " अहो, हत्ती सुपासारखा आहे. " कानाला हात लावलेला माणूस म्हणत होता. 

 " हत्ती शिंगासारखा आहे. " दांत कुरवाळलेला बोलत होता. 

सहावा ज्याला सोंड सापडली तो म्हणाला, " तुम्हाला काहीच समजत नाही. " हत्ती बांबू सारखा आहे. "

 प्रत्येक जण आपल्या प्रचितीप्रमाणे हत्तीचे वर्णन करीत होते. हत्ती मात्र हत्ती सारखाच होता.