१६२ एकसारखी असतात ती गाढवे
डा सर्वपल्ली राधाकृष्णन इंग्लंडच्या दौर्र्यावर गेले होते
राष्ट्रपतींच्या सन्मानार्थ रात्री भोजचे आयोजन करण्यात आले होते
लंडनमधील सभ्य, तथाकथित प्रतिष्ठित लोकांना आमंत्रण होते
स्वागत, ओळख, भाषणे होऊन भोजनाला सुरुवात झाली
एक तथाकथित सभ्य गृहस्थ त्यांच्या जवळ आले
साळसूदपणाचा आव आणीत ते राष्ट्रपतींना म्हणाले,
" तुमचा भारत जरा विचित्रच आहे नाही ?
रंग, पोषाख, पंथ, खानपान सगळे वेगवेगळे ! भाषाही निरनिराळ्या !
आम्ही इंग्रज बघा कसे आहोत ! एकसारखे ! "
भारताचे राष्ट्रपती ते ! कमीत कमी दीड डझन भाषांचे जाणकार !
वाच्यार्थ, व्यंग्यार्थ याचबरोबर ध्वन्यार्थही बरोब्बर जाणणारे !
एक सेकंद ते थांबले, त्या वाचाळ आगंतुकावर नजर रोखीत ते उद्गारले,
" बरोबर आहे, घोडे वेगवेगळेच असतात ! एकसारखी असतात ती गाढवे ! "
No comments:
Post a Comment