१५९ मी हातावर विद्येची रेषा मारली
शाळेत भाषेचा तास होता, शिक्षक शिकवीत होते
नेहेमीप्रमाणे त्याची मार खाण्याची वेळ आली
एकवेळ देवाच्या माथ्यावरील फ़ूल चुकेल, पण त्याचा मार काही चुकणार नाही !
' ढ ' ना तो, त्याने हात वर केला
शिक्षक हातावर काठी मारणार इतक्यात त्यांचे लक्ष त्याच्या तळहाताकडे गेले
" हात तेरे ! तुझ्या हातावर तर विद्येची रेषाच नाही !
तू आणी कसा शिकणार ? " शिक्षक उद्गारले !
सहसा न बोलणारा तो विद्यार्थी म्हणाला, " गुरुजी विद्येची रेषा कुठे असते हो ? "
" हि ह्या इथे, अशी असते ती ! " शिक्षक म्हणाले
आणी अकस्मात वादळाच्या गतीने तो मुलगा पळाला !
पाचच मिनिटात विजेच्या वेगाने तो परतलाही, रक्ताने माखलेला हात घेऊन !
" काय झाले ? " आश्चर्याने शिक्षकांनी विचारले
निश्चयाने उतू जाणार्र्या तेजस्वी डोळ्यांनी शिक्षकांकडे बघत मुलगा म्हणाला,
" मी हातावर विद्येची रेषा मारली !
No comments:
Post a Comment