७१ . मैद्याचे थरचे थर

                      कथा विवेकानंद - ७१ 

     स्वामी विवेकानंद जितके गंभीर होते तितकेच ते विनोदीही होते . विदेश प्रवासात असताना त्यांचा मुक्काम लंडनला होता . तेथील वास्तव्यात एके दिवशी ते शिष्यांसमवेत रहदारी बघत होते . 
     रहदारी बघून परतल्यावर स्वामीजी म्हणाले, पोरींनी आपल्या चेहऱ्यावर पावडरीचे थरच्या थर थापलेले आहेत . थरांची जाडी इतकी आहे कि ते खरवडून काढायला कुदळ आणावी लागेल . 
     स्वामींनी क्षणार्धात कवन रचले . त्याला चाल लावली . आणि गायला लागले . शिष्यांची हसून हसून मुरकुंडी वळली . त्या कवनाचा मतितार्थ होता . ' जेवढ्या म्हणून मुली येताहेत त्यांच्या हातात छत्री आहे . डोक्यावर टोपी आहे . आणि चेहऱ्यावर मैद्याचे थरचे थर आहेत . '