७५ . ती इच्छा माझी आहे .

                    कथा विवेकानंद - ७५

     स्वामी विवेकानंद साधक होते . ते ध्यान धारणा करीत असत . समाधीत अनेक दिवस बसत असत . स्वामी रामकृष्णाकडून निर्विकल्प समाधीचाही लाभ त्यांना मिळाला होता .  
     असेच एक दिवस एकांत समाधीतून ते बाहेर आले . तीन चार दिवसांची ती समाधी होती . समाधीच्या फलश्रुती संदर्भात चर्चा सुरु झाली . भगिनी निवेदितेला ते म्हणाले, ' भारतावर मुसलमानांनी आक्रमक केले . या आक्रमक मुसलमानांनी राज्य केले ते ठीक . पण त्यांनी देवळे का फोडली ? त्या मंदिरातील पवित्र मूर्ती भ्रष्ट का केल्या ? माझ्या मनात या विचाराने नेहमीच संताप यायचा . 
     आज मात्र मला कालीमातेने या प्रश्नाचे उत्तर दिले . माझ्या मनाला शांत केले . मला म्हणाली .  मी माझी मूर्ती आहे तशीच ठेवीन अथवा फोडून घेईन . ती माझी इच्छा आहे . तू कशाला या गोष्टीचा मनस्ताप करून घेतोस ? ती इच्छा माझी आहे .